الرئيس السيسي: يجب تحري الصدق في الرسالة الإعلامية المقدمة للناس

متابعة: مروة مشعل

قام الرئيس عبد الفتاح السيسي رئيس الجمهورية بمداخلة هاتفية لبرنامج ” يحدث في مصر” أثناء استضافة للطفل أحمد تامر الذي يحفظ القرآن الكريم كاملا.

ثم وجه الرئيس شكره وتقديره للحضور وللطفل أحمد قائلا:

• يا أحمد أنت حافظ كلام ربنا أعز كلام وأقدس كلام وأكرم كلام وأطيب كلام البركة كلها معاك.

• عايز اقولك على حاجة يا أحمد الحفظ جميل ومهم لكن الفهم كمان مهم .

• أنا حبيت اعمل مداخلة عشان اقول إن مهم جدا نهتم باللغة العربية وبحفظ القرآن ونهتم جدا بتنظيم أوقات أولادنا.

• لازم الأسر تركز على نقاط قوة ابناءها وتنتبه ليها مش لازم يبقوا زي أحمد، ممكن يبقوا في انشطة أخرى زي أنشطة رياضية مثلا، لازم نهتم بملكات أطفالنا عشان يبقى نبت جميل.

• أنا بوجه كلامي للناس عموما.. مهم جدا أنك تفهم وانت بتحفظ.. الحفظ لوحده مش كفاية.

• وبدعوك يا أحمد وبستأذن والدك في انك في اول افتتاح تيجي تقرأ ماتيسر من القرآن.

• أنا أقدر الإعلام هذا المجال العظيم، و أوعى تتصور أن اللي بيعمل في هذا المجال مالوش أجر.. لا بالعكس .. ده له أجر كبير.

• الإعلامي المخلص لرسالته له أجر كبير جدا جدا.

• يجب تحري الصدق في الرسالة الإعلامية المقدمة للناس من خلال الفهم والقراءة والتوسع في تفاصيلها.

• وبقول تاني أن الوعي قضية القضايا في مجتمعاتنا.