عندي رأي مش هيعجبكم.
اللي احنا فيه دا بسبب ان الدولة نهضت وتقدمت خطوات، والشعب لم ينهض.
يعني ايه!
بص لشعوب الصين أو حتى باكستان..
لما دولتهم اتحركت للأمام كانوا في ديلها بيتحركوا هما كمان وبيصنعوا أي حاجة ولو من البيت.. الدولة عندنا زقت لادام وبتبص وراها مالقتناش بنعمل أي حاجة.
ولأجل الامانة، العيب اللي عند الدولة المصرية ان موظفينها مصعبين أي حاجة على الناس.
فقط كامل الوزير اللي بيحاول ياخد بايد الناس وراه وبيحاول يسهلهم الانطلاق..
غير كدا الموظفين مرنخين، والشعب مرنخ وراهم.
لا دا عايز يساعد ولا دا عايز يغير حياته.
الناس لازم تقاتل لتحقيق ذاتها أكتر من كدا.
الناس لازم تؤمن ان لا اسعار هتنزل ولا دولار هينزل إلا بشغلهم اللي يناسب العالم الجديد.
الوظيفة ايا كانت لا تناسب العالم الجديد.
اللي يناسب هو التصنيع ولو بنسة شعر.
مفيش بلد هتتقدم وشعبها مستني العلاوة ورفع الأجور الحكومية.
لازم نقاتل زي الصينيين.
الفكر المصري لازم يتغير.
حتى تغيير الفكر دا مسؤولية الدولة أولا ثم الناس.
انت بتقول للناس ايه من خلال الإعلام والدراما والتعليم والخطاب الديني؟
ولا حاجة.
بل بالعكس بتقولهم اقلعوا زي هدير أطلعك في الإعلام.
يا الدولة تبتدي في ملف سوفت وير الشعب زي ما انجزت في الهاردوير، يا إما مفيش مستقبل.
لازم الدولة تشتغل على فكر الناس بطرق جديدة وباذن الله الشعب يفهم مصلحته ويتقدم.
احنا دلوقتي في مرحلة البيضة ولا الفرخة.. الدولة تقود فكر جديد للناس ولا الناس اللي تتحرك لوحدها.
كل طرف مستني التاني.
