وزير التعليم العالي ومحافظ الغربية يلبون طلب سيدة الغربية بتوفير شقة كاملة التجهيز

كتب: أحمد نشأت

في لفتة إنسانية رائعة قام بها الدكتور خالد عبد الغفار وزير التعليم العالي والقائم بأعمال وزير الصحة، وذلك أثناء تفقده إحدى المشروعات في محافظة الغربية بمدينة طنطا بمنطقة الجلاء، ألتقى سيدة تدعى “آمال” تحاول الوصول لأي مسؤول تريد الحصول على غرفة آمنة تصلح للمعيشة.

ماكان من وزير التعليم العالي إلا الوقوف وسماع حديثها وطلباتها، فقالت السيدة: “والنبي عايزة أوضة اعيش فيها أنا وعيالي”
وفورا قام الوزير بأخذ بياناتها واسمها بالكامل وبعد ثواني معدودة حضر محافظ الغربية د. طارق رحمي أثناء وقوفهم في الشارع، وسألها عن طلباتها، فأجابه الوزير فورا: “هتجبلها شقة وانا اللي هتكفل بكل حاجة”.

وبالفعل في نفس اليوم تم حضور وزير التعليم العالي إلى مكتب المحافظ وحضرت السيدة في حضور محافظ الغربية، ووعدوها بتنفيذ طلباتها بالكامل.

واستهلت السيدة آمال قولها: “مكنتش مصدقة لما قالولي الوزير هيقابلك، اقولهم الوزير يقابلني أنا ده أنا غلبانة، الحمدلله عشان ربنا راضي عليا”
وقال المحافظ: ” أنا هجبلك شقة في الجلاء”
فردت السيدة: ” مافيش حاجة هنا في طنطا”
واجابها المحافظ: “عينيا هنشوف حاضر حاجة في طنطا”

كان المشهد الانساني مليء بالعفوية، بل وشعور المسؤول اتجاه مسؤولية مواطني بلده، حينما اجتمع الوزير والمحافظ على تذليل أي عقبات أمام سيدة غير مقتدرة لا تحلم سوا بغرفة بسيطة تسكنها هي و أولادها، ولكن الترتيب الآلهي يقود البشر إلى رزقهم في ميعاده.

جلس المحافظ والوزير والسيدة ” آمال ” يضحكون، ثم قال المحافظ: “بصي ياستي احنا هنجبلك الشقة ونفرشهالك من كله”
فردت السيدة بعفوية: “تفرشوها كمان ياصلاة النبي ده كرم ربنا”
فضحك المحافظ قائلا: ” بس تعرفي تطبخي هتعزمينا عالغدا بقى”
ابتسمت السيدة لترد بمنتهى الكرم: “طبعا بعرف ده انا هعملكم رز معمر فلاحي واشوف لو  عاوزين لحمة ولا فراخ اللي انتوا تطلبوه هعمله”.

ثم قامت السيدة بشكرهم جميعا ووجهت حديثها للوزير فقالت: ” انت حضرتك اسمك ايه بقى عشان ادعيلك”
ووجهت نفس السؤال للمحافظ، وشكرتهم جميعا داعية لله: ” ربنا يجبر خاطرك يادكتور طارق انت والدكتور خالد ويهيديلكم ولادكم يارب ويوسع رزقك انت والدكتور خالد واللي زيكم يابني”.

https://www.facebook.com/GharbiyaGovernorateOfficial/videos/4968866533235935/