لسه ناس كتير فاكرة ان 3يوليو 2013 كان مجرد يوم نقل للسلطة في مصر.
وانه كان خلاف في ملفات أو خلاف على طريقة الحكم أو حتى كان خلاف على مين اللي يحكم.
الحقيقة انه كان يوم لعودة الحياة الطبيعية لمصر.
يوم لعودة شكل الحياة بتاعنا وحتى شكل الناس اللي شبهنا.
عمر ما الإخوان بأسلوبهم كان هو اسلوب المصريين.
حتى كلامهم مش شبه كلام المصريين
كلمات دخيلة وفكر دخيل.
فِكر كان قائم على تغيير نمط حياة المصريين.
كفاية مصيبة واحدة كانوا هيدخلونا فيها.. الجهاد” في سوريا”.
ماكناش هنرجع منها تاني.
كان زمانا لغاية دلوقتي جيوشنا بتستنزف هناك واحنا قاعدين هنا بلا جيش.
كان الفلسطينيين زمانهم دلوقتي اتهجروا لسيناء وحدود إسرائيل الكبرى حصلت.
٣ يوليو كانت لانقاذ تاريخ ومستقبل الأمة المصرية.
أكيد عندنا شوية مشاكل.. لكن جوانا.. جوة حدود مصر.
كانت هتبقى مشاكلنا هربانين على حدود مصر بنتحايل على الدول تفتحلنا تدخلنا عندها لاجئين.
