نسرين طارق تكتب: الكل بيتكلم داخل اطار التنظير

يمر العالم كله بأزمة اقتصادية واضحة.. بنوك في دول عظمى بتفلس.. دول عملتها بتفقد أكثر من 70٪من قيمتها.. دولة كبيرة فيها مظاهرات وحرق قمامة في شوارع مدينة النور.. وغيره وغيره من الأزمات الموجودة حاليا في العالم.

في مصر احنا عايشين في نفس العالم المتخم بالأزمات الاقتصادية والحروب وشبح الإفلاس اللي بيهدد دول.. إحنا كمواطنين بنزايد على بعض وعلى الدولة وبنقعد ننظر ونحلل ونقول مين غلطان والمفروض يعمل إيه.. في حين إننا في نفس الوقت مش عارفين نحل مشاكلنا الشخصية البسيطة.. مش مشاكل دولة فيها 104مليون نسمة.

ممكن تركن الاطار شوية على جنب وتشوف اللي بيحصل بالعقل والمنطق!

لما بتسكن في مكان جديد وحد يسالك على عنوانك بتشوف حاجة مشهورة أو كبيرة واللي بنسميها علامة مميزة مثلا جنب مول الهضبة أو امام فيلا المحافظ، أو بعد الكوبري.. يعنى بتدور على حاجة ذات قيمة توصف بيها عنوان بيتك.. الحاجة دي أو المبنى ده اسمه في التخطيط العمراني “لاند مارك” مكان معروف أو مشهور.

ده بالضبط اللي عملته وبتعمله الدولة في العاصمة الإدارية وفي كل المدن الجديدة اللي بتتبني.. بتعمل لاند مارك للمدينة مسجد كبير (تقضي بيه كمان على ظاهرة زوايا الصلاة-مفرخة الإرهاب) ويبقى مكان مشهور فى المدينة وغيره زي الحدائق والمولات.

لما تشوف الصورة بعيد عن إطار التنظير هتلاقي الموضوع عادي انه لازم نبني مسجد كبير وكنيسة كبيرة لاننا كتير ومصر دولة كبيرة مش صغيرة.

ليه مفيش تعليق إيجابي اتكتب لما عملنا..

أكبر مصنع للغزل في العالم في المحلة.

وأكبر مصنع للسكر في العالم في المنيا.

وأكبر مصنع إليكترونيات في العالم في بني سويف.

وأكبر مدينة صناعية في العالم في طربول.

وأكبر مدينة صناعية لوجيستيه في المنطقة الاقتصادية لقناة السويس.

وأكبر صوب زراعية في العالم في الساحل الشمالي.

وأكبر مزرعة شمسية لإنتاج الكهرباء في اسوان.

وأكبر مزرعة رياح لإنتاج الطاقة في جبل الزيت بالبحر الأحمر.

وأكبر قاعدة عسكرية في الإقليم في برنيس ومحمد نجيب و٣ يوليو.

وأكبر محطة لمعالجة المياه  في سيناء.

وأكبر نهر صناعي لاستصلاح ٢.٥ فدان في الدلتا الجديدة.

وأكبر مشروع لتحسين جودة الحياة “حياة كريمة”.

وأكبر مخزن نفط في العالم في البحر الأحمر.

وأكبر شبكة قطارات سريعة في العالم.

واكبر محطات توليد كهرباء من الغاز من سيمنز.

واكبر مشروع تطوير طرق وبنية تحتية في العالم.

وأكبر مشروع لتنظيف البحيرات وتنميتها في العالم.

وأكبر مشروع لاستصلاح الأراضي في سيناء وتوشكي.

وأكبر مدينة صناعية للدواء في الشرق الأوسط.

وأكبر مشروع قومي لتطوير العشوائيات.

وأكبر مشروع لتخزين الحبوب في العالم مشروع الصوامع.

وأكبر مشروع قومي للقضاء على فيروس سي.

والقائمة فيها كتير ده مش كل اللي اتعمل.. بس الموضوع ان الكل بيشوف الصورة داخل اطار النتظير فقط.