فتح شركة BMW لمصنع عندك ف الوقت دا له دلالات كتير..
أولا العالم كله بيقفل مصانع بسبب ازمة الطاقة ومنهم ألمانيا بلد ال BMW.
علشان الشركات دي تفضل مستمرة وتعدي الازمة كان لابد ان تبحث عن أسواق مستقرة تفتح فيها مصانع وتكون متوفر فيها الطاقة والايدي العاملة.. بيختاروا مصر.
مش BMW بس اللي عملت كدا.. وشركات الالكترونيات والموبايلات كمان.
هما جايين لك غصب عنهم مش علشان سواد عيونك.
انت من البلاد القليلة جدا ف العالم اللي لسه شغالة وقادرة على الإنتاج وسوقها مستقر والبلد كلها مستقرة.
ويطلعلك عيل اهطل يقولك مصر بتقع!
عمالقة الصناعة ف العالم بحثوا ولفوا وجايين لك تنقذهم علاماتهم التجارية العملاقة، وعيل أهطل شايفهم مابيفهموش وهو اللي بيفهم.
يا اخوانا والله مصر مستقرة وماشية ١٠٠ فل وعشرة مقارنة بالدول العظمى.
أزمة مصر ف ناسها وإعلامها اللي محسسينك اننا موتنا.
غيّر الإعلام دا هتحس بالفرق..
الحاجة مش هترخص (علشان بس محدش يقولي هو الاعلام اللي مغلي السلع) لا.. لو غيرت الاعلام هتعرف وتفهم الوضع العالمي صح، فهتعرف انك ماشي كويس والأزمة العالمية هي اللي زانقاك فهتتفهم الوضع وترضى وتحاول تتقدم وتنتصر ع الازمة.
دلوقتي اللي واصل للناس بالإعلام دا، ان العالم ماشي كويس واحنا اللي غلط، وبالتالي رافض كل حاجة ومش عايز تقاوم ولا تقاتل.
عرفت بقى هتحس بالفرق ازاي لو غيرت الاعلام دا؟!
