مع أي رأي تتفق؟ قراء بوابة الجمهورية الثانية يتوقعون شكل مصر والعالم لو قامت حرب عالمية ثالثة.
تم نشر جميع الآراء كما وردت دون حذف أو تعديل.
نعيش الآن أجواء حرب عالمية بشكل غير رسمي تحت بند حرب روسيا واوكرانيا التي هي في الواقع حرب بين روسيا والغرب.
متغيرات اقتصادية وعسكرية تتغير يوميًا مؤدية لعالم جديد بتحالفات جديدة وقوى جديدة.
وبناء على هذه المتغيرات التي يستطيع البعض قراءة المشهد الجديد من خلالها، والبعض متخبط، قمنا في بوابة الجمهورية الثانية بمحاولة قراءة واستطلاع رأي بعض قراءنا في رؤيتهم للمشهد العالمي والمصري.
في حالة نشوب حرب عالمية رسمية.. كيف سيكون الوضع المعيشي في العالم ومصر!
بعد طرح السؤال جاءت الإجابات كالتالي كما يراها أصحابها من وجهة نظرهم.
حندافع عن بلادنا بالدم
زي ما حصل والتاريخ يشهد
مش زي دول هربوا وتركوا أهلهم في مخيمات
ونعمله كرامه على حساب الشعب والمواطن المصري.
مصر مش بتتصرف بانضباط بجد وبتبقي في احسن حالاتها الا في زقت الأزمات..وكل ما الازمة تكون اشد بنكون احنا اقوي.
معيشة !!!
بعد الحرب العالمية الثالثة.
يتوقف على نوعية الحرب …نووية ..تقليدية.
في العالم مش مصر فقط
حاله من التقشف وهنرجع لنظام المقايضات
انفلات امني بسبب الغلاء في اغلب الدول
لازم نبدأ نصنع وننتج حاجتنا بنفسنا لازم اساسيتنا تكون عندنا مش بايد غيرنا مهما كلف الامر
ولازم من دلوقت الاهتمام بالتعليم وتحسين جودة الانترنت للتعلم والعمل عن بعد
وفي خطوات كتير تانية.
مصر هتكون جنة عدن.
في أوقات الحروب محدش يقدر يحدد هيعمل ايه الحرب ومتغيراتها وظروفها هي اللي بتحدد.
مصر ربنا حميها في جميع الاديان السماوية غير كده عندنا قائد عظيم والقوات المسلحة الشرطة ال ربنا قال عليهم خير أجناد الأرض
زي وقت كورونا ……. المنتجات اللي عندنا اكتفاء ذاتي فيها هاتكون اغلي والحاجات اللي بنستوردها هاتكون اقل او تنقطع حسب مكان الاستيراد ….. الدخل طبعا اقل بسبب اغلاق الطرق الملاحيه في البحر و الجو …… اعوذ بالله ….. ربنا يديم علينا نعمة السلام.
هو هيبقى في معيشة من أصله.
مصر في منطقة الشرق الأوسط الضلع الشرقي للبحر المتوسط
اذن نحن في منطقة ممرات طرق المواصلات إضافة لظهور الغاز الطبيعي في. منطقة شرق المتوسط
اي اننا استراتيجيا في وضع لا يسمح بالحياد التام.
ده لو العالم لم يختفى بسبب غباؤهم ..متشيلش هم المصرين بيتأقلموا على كل وضع.
مصطفى بكرى بكرى
مصر حتشارك فى الحرب بس مش على ارضنا طبعا
و حنكسب فى الحرب دى و حيكون لينا كيان كبير
الخطر الكبير
بعد انتهاء الحرب وقت توزيع الغنائم
مصر حترفض المساس بالدول العربيه
وهنا الحرب الاخطر و المهمه
حرب الشيعه و السنه و دى الحرب اللى حتوجع المصريين
وبنا يسترها علينا يارب.
عمرو اديب هيتخانق مع احمد موسي علي مين عامل مشاهدات اكتر ولقطات حيه.
المصريين في الازمات يد واحده.
العالم عدا مصر من الان. يحاول ترتيب. اولاويات كل دولة. قبل نشوب الخرب اجالا ام عاجلا
وكل دولة ستغلق على نفسها بكل ما تحتوية من امن غذائى صناعى وما شابة
ام عن مصرنا الحبيبة.
هنشوف مدعيين الاعلام ايهما اقوى فى هذة المرحلة. الرجل ام الانثى.
الزوجة تستحمل. ليه. حرب ولا الزوج يستحمل
ونقوم حمالات مقاطعة على ما تبقا من بضائع لارتفاع ثمنها. الى ان يجوع الجميع وتتلف البضاعة.
عسكريا
عندنا قدرة ندافع عن نفسنا كويس جدا
دبلومسيا وخارجيا موقفنا هيكون ذكي جدا عندنا مسؤلين كبار عندهم وعي
إعلاميا للاسف الأخبار الحقيقة هناخدها من الخلايجة لأن اعلامنا ممكن ساعتها بيكون عامل منظرة ومستصيف كام شيخ علي كام واحدة وبيتكلموا عن المرأة أو حاجة تخص الحياة مع بعد الزواج او فستان ممثلة ما حاجة من ضمن الهطل دا
داخليا هيكون في تشعبات شوية فهمين ودول قلة شوية هيسالوا علي سعر بيض الفراخ شوية تجار كلهم جشع هيفكروا نغتني ازاي في ظل الأزمة
طب تصدق ان هيبقا فيه شوية معتيه هيندوا بأحد قوات الحلفين يحتلون مثلا اللي هما الجماعة بتوع المميز وكدا وع نظام ايه دا تعالوا احتلونا وجوزونا ستات حلوة وكلام من الفارغ دا
إحنا محتاجين وعي ومحاضرات ف كل الجامعات توعي الشباب بتابيعات الأزمة دي لو حصلت بشكل علني ورسمي بس يا مين بقا.
لازم يبقى عندنا تصنيع وزراعة وبنية تحتية جيدة لازم مصر تأمن نفسها ذاتيا دون الإعتماد على حد وبقدر المستطاع ولازم إتحاد المواطنين مع الدولة بحيث يكون مواطن منتج وليس مستهلك فقط .. ربنا يحفظ مصر يارب.
اغلب الدول هتكون فوضي مدمره وفي مصر هيكون جشع تجار واستغلال.
البنا هيستولوا على الحكم بمساعدة السلف .يين وهيسودوا حياة المصريين والترك.ى والمجو.سي هيتخانقوا على حكم مصر.
اولا بالنسبة للعالم حال نشوب حرب عالمية محدودة أو غير محدودة فى مكان ما أو عددة أماكن بالطبع هيكون هناك توترات اجتماعية بالنسبة للشعوب الأمر الذى يرفع حدة الهجرة للدول البعيدة عن مسرح العمليات على المستوى الاقتصاد هيكون هناك ارتفاع معدلات التضخم ونقص فى المستلزمات المعيشية، وهيسود العالم حالة كساد كبيرة جدا.
الشق الثانى “هنكون بنعمل ايه” أو مصر موقفها ايه على حسب مدى التاثير هيكون المشهد بمعنى انه حال نشوب حرب عالمية هتؤثر على مصر بالطبع فى الناحية الاقتصادية و لكن اعتقد ان الإدارة هحاول تخرج من هذة الأزمة بنحة كبيرة فهيكون هناك محاولة من الإجارة بالافادة من الموقف الدولى فى تخزين الحبوب الغلال والغاز وغيرها لامداد الدول التى بيننا مع اتفاقات والطبع هيكون فى اتفاقيات فى هذة الفرضية
بالنسبة للمشهد الاجتماعى ال اخلى فلن تسودة حدة التوترات لطبيعة الإنسان المصرى و مكوناته الفريدة أرى انه هيكون اكثر تخلى عن الجشع والاحتكار وأكثر تعاون مع أخيه الإنسان مبدأ شهامة ولاد البلد، لن يخلو من المعادلة ابدا
تصور فقط ونسأل الله أن يلطف بنا ويزل سكينته على نفوسنا والسلم والسلام على الأرض جمعاء.
ههههههههه يضحكوا على خيبتهم.
مفيش حرب فيها اقطاب غير بالوكاله وما هيا الا استنزاف موارد واضعاف اقتصاد مصر ربنا معاها.
مصر ربنا حاميها؟؟ شوفنا حروب وجوع وطوابير ع الجمعيه وشوفنا كذب علينا باسم الوطنيه
لا مصر هتكون جنه عدن ولا هنعيش ف زبادي خلاط ماهو احنا حاليا ف حالة سلم والحال زي ما انت شايف
من الاخر مصر هتلاقيها يا رجعت زي ما كانت ف مسلسل الوسيه يا كله بيضر ف بعضه ويرفع الأسعار بس وقتها هتشوف اسعار بأرقام كبيره جدا وهندخل ع ثوره جياع
حرب يعني فرص اعمل كتير هتقف وزي ما كله شايف اغلبنا خرج من الفلاحين وعاش حياة التمدن ولو حب يرجع للريف مش هيلاقي ارض يزرعها وياكل منها
مصر ١٠٥ مليون + اكتر من ٣٠ مليون ضيف مهاجر ف أرضها دا احنا هنشوف سـ9اد.
هامسك الشمعة وانا نازلة السلم رايحة استخبى ف المخبأ من الغارة وفجأة الاقى صالح سليم قصادى يقولى كنت عارف هالاقيكى هنا وانسى الغارة والمخبأ والحلفاء كلهم ومشوفش الا عنييه اخرااابى وابقوا صحونى لما الحرب تخلص .
هنكون ايد واحده زي مامعدن المصري الأصيل بيبان وقت الأزمات. ومصر ربنا هيحميهاا من أعداء الحياه.
اهم حاجه النت ميفصلش.
من ذاكرة التاريخ المصري العظيم في الحرب العالمية الأولى و الثانية كانت مصر بها تكاتف اجتماعي مكنش موجود في بلاد الفرنجة بالرغم من وجود بواقي العثماني و المماليك و الاحتلال الانجليزي و بعض الخونة و العملاء لكن كانت الروابط الاجتماعية اقوي من كل ذلك و لو حصل حرب عالمية ثالثة اكيد مصر جزء من العالم لكن الان بالرغم من وجود كمية العملاء و المرتزقة و الخونة و عبيد الدولار و كذلك المحتكرين و الجشعيين من التجار معدومي الضمير و الأخلاق و كمان بعض الفاسدين و المفسدين في المجتمع المصري العظيم بالرغم من كل هذا لكن في وقت الجد سوف نجد تكاتف و تكافل اجتماعي تمر بة الازمة العالمية الناتجة عن حرب عالمية ثالثة المراد منها الحفاظ علي القيم و الاخلاق و الضمير و الادب و العادات والتقاليد المصرية.
من وجهة نظري الشخصية ان الشدائد والمحن هي تبرز تكافل المصريين.
ولا ننسي في مصر ام الدنيا بالذات تجد موائد الرحمن المنتشرة طول شهر رمضان الكريم و كذلك هناك الكثير والكثير من الناس طول السنة تجد وجبات طعام بالمجان حتي من يد الناس البسيطة حتي لو كان عربية فول في الشارع او مطعم او حتي في بعض الصيدليات او شنط المؤاد الغذائية بدون شهر رمضان.
مصر بلد فيها التكافل الاجتماعي بكل الوسائل.
رغم وجود هؤلاء الكائنات الفاسدة و المفسدة و الجشعيين و المحتكرين.
حفظ الله مصر و اهلها و جيشها و شرطتها المدنية المصرية.
الوضع العالمي هايكون صعب جدا على كل دول العالم. والركود الاقتصادي هايبلغ قمته وهايحصل شح في الوقود وصناعات بالكامل هاتقف وبلاد هايحصل فيها حروب اهليه عشان المعيشه. لكن مصر هاتكون في أمان وسلام وهانعيش بالكاد وهانأقلم نفسنا على الوضع الجديد.
انا عن نفسي مش عاوزه اتخيل لان كل العالم هايصيبه الدمار مش طرف احد فقط اعتقد كلها تهديدات جوفاء.
القيامه هتقوم يا عمده.
تخيلي الشخصي .. في حالة الوصول لاستخدام الاسلحة النووية اعتقد انه هتنتهي كل اشكال الحياة في دول العالم الاول و هتصبح امريكا و اوروبا و شرق اسيا ارض لا تصلح للحياة
ممكن قارات افريقيا و جنوب امريكا تنجو جزئياً من تأثير الدمار النووي
و لكن هيكون في تأثير طبعا واضح من بقايا الحرب النووية من اشعاعات هتتنقل مع الوقت بسبب الرياح الشتوية
طبعا هتسود فوضى كبيرة و هينتشر السرقة و القتل اكننا في غابة بالظبط و الناس هتقتل بعض عشان تعيش .. لكن بعد فترة مش قليلة هيتم السيطرة عليها و هيتم تأسيس حكومات جديدة و دول جديدة
عالم جديد حرفيا
فيلم اجنبي صح ؟
مجرد تخيل السيناريو مرعب
مصر لسه عليها كتير عشان يبقى فيها ضبط و ربط يحكم و يكبح أثار الحروب
الاستغلال هيبقى للركب و الناس هتتعامل بنظام اللي يلحق حاجة ياخدها زي بالضبط ما عملوا لما حصل مشكلة في الدولة ٢٠١١ اللي عايز يبني عشرتاشر دور زيادة هيبنيهم المحليات لو حاليا مبتشتغلش بربع جنيه تخيل الشغل هيبقى بالسالب
كل حاجة كل حاجة هتبوظ
لأن إذا كان لحد دلوقتي الدولة سايبة السوق مفتوح لتحكمات التجار أومال لو حصلت حرب هتأثر علينا احنا هنا ازاي
ربنا يكفينا الشر.
هنبقى مشغولين بترندات المذيعه و فلانه اتجوزت و المدارس و المدرسين و يوتيوب
وأحمد موسى بيفتي وعمرو اديب بيجعر
الاسعار هتولع تلات اضعاف
والتلفزيون هيعرض الطريق إلى ايلااات او الرصاصه لسه في جيبي
الحرب العالميه الثالثه هتكون فاصله في قلب موازين القوي
هي حتميه كل الاحداث بتشير ناحيه الحرب
الأزمات هتزيد
نقص المؤن والسلع الاساسيه
اضطراب في حركات النقل والتجارة
كل الدول هتقفل
حاجه شبهه موسم كورونا
ما أتمناها هو أن نكون بعيدا عن ساحه الحرب مسرح القتال
لا تكون ارض مكان لتصفيه حسابات القوي العظمي
المعيشه
هتكون اصعب بكتير مما نحن فيه
نحن شعب استغلالي من الدرجه الأولي
طبقات ستسحق
سيظهر فئه جديدة من البشر تعيش في واقع غير الوقائع العالمي
بسبب الاستغلال
اسال الله ان تمر علي خير
وان يقيد لنا من يخرجنا منها بأقل الخسائر.
علي وضعنا.
لو قامت الحرب العالمية الثالثة..
مصر لن تشارك ولكن سيتأثر الاقتصاد المصري ..وسيزداد اسعار السلع الاستهلاكية..لأن معظم السلع يتم استيرادها وهذا ما تقوم عليه الدولة الآن بسرعة وبقدر المستطاع توطين الصناعة وتشجيع الزراعة..
أما إذا حدث شئ لدولة عربية دون تسمية من الأشقاء العرب فستدخل مصر بقوات خاصة وعدد معلوم من القوات المسلحة.. والله أعلي واعلم..
اعتقد لو فى حرب مصر هتكون امان .. والناس هتكون بتتضحك وبتعمل كوميكس على العالم الى فيه الحرب كأننا مش معاهم فى نفس الكوكب..والمعيشة فى مصر الناس هيفضلوا يشتموا الحكومة عشان الاسعار هتغلى .. وفى قلة قليلة هتفكر فى حلول بديلة للسلع المستوردة ..وبالنسبة للعالم هيبقى فى بكائيات على ضحايا الحرب وممكن يبقى فى نزوح جماعى لسكان بعض الدول لمصر وافريقيا.
مصر هتلتزم الحياد في الأول لحد ما الأمور هتمس أمنها القومي ومصالحها في الصميم، وإن تم كسر الحياد أكيد للجانب الشرقي ، وهتتعمل هيئة أو ادارة أزمات عليا واكيد على رأسها الرئيس والمجلس العسكري ، مصر تقدر حاليا تقفل على نفسها وتكفي حالها بصورة إلى حد ما جيدة ، من غذاء وماء وغاز وسلاح وذخيرة وجزء كبير من الدواء والمستلزمات الطبية …جائحة الكوفيد كامت بروفة جيدة.. البترول مع الرباعي العربي يتحل .. يتبقى ملف الوعي ولم وتوحيد الجبهة الداخلية ..
مصر ستقود العالم بعد هذه الحرب
ستأخذ هذه الحرب الاخضر واليابس إلا مصر فهي محفوظه بإذن الله
بل ستكون هي القوي العظمه باقتصادها وقوتها العسكرية وترجع تقود العالم كما كان في عهد القدماء المصريين.
هما هيكونوا بيحاربوا و احنا بنتكلم فى الملابس الداخليه للممثله الفلانيه احتارت تختار بين لون و لون
و الممثل الفلانى صحى من النوم لقى مفيش قهوه فجاله حالة حزن شديد
و الكرنب اللى موجود فى السوق كرنب بلدى و لا كرنب بط هعهههههههههههههه احيبه
الوضع العالمي هيكون أصعب مما هو عليه الآن وسنرى اختفاء للسلع التموينيه بسبب تجهيزات الجيش والامداد والتموين وحاله الطوارى التي ستشهدها مصر والذى سيؤثر سلبا علي النمو الاقتصادى هذا بالنسبه لمصر اما بالنسبه للدول المتصارعه فحدث ولا حرج ربما تجد عدو الأمس صديق اليوم والعكس بالعكس وسترى انهيار لامبراطوريات هشه ارصدتها الاحتياطيه ستهبط الي المستوى سالب وربما يكون هناك اضافه لعدد الدول بعد تقسيمها
اتمني الا يكون هناك حرب ثالثه او رابعه لما سيعانيه العالم من ويلات اقتصادية وامنيه وطبيه.
حنتخانق على ضربة الجزاء للزمالك.
من الناحية الامنية الحمد لله القيادة عارفه تسيطر من ناحية التجار الله يلعنهم هيستغلوا الموقف من ناحية الخونه هيحاولو يورطونا ف اي اعمال شغب كالعاده لزعزعة الامن وان شاء الله هنتمكن منهم
ومن ناحية الخارج هيحاولو يورطونا ف اي شيء للحرب
بس كل اللي اقدر اقوله لحضرتك رغم المساوئ اللي عندنا ف البلد الا ان مصر غير قبل كدا واتعلمنا من الدرس
لكن الناس لا.
العالم هايكون مظلم ومصر منورة وبنتفرج على الدورى المصرى…وخد كلامى سكرين شوت.
لو وقعت الحرب العالميه الثالثه سيصبح كل من يسمى بالعالم الاول سينهار و ينتهى ونبدأ من جديد بحضارة انسانيه جديده وستكون مصر هيا القوى العظمى بسبب بنيتها الاساسيه التى بنيت و بتبنى حاليا وستكون هي حصن الأمان لجميع شعوب العالم وشكرا
تحيا مصر تحيا مصر تحيا مصر.
العالم كله هايعانى
ماعدا مصر اعتقد هاتكون اقوى دوله بسبب توافر الغذاء.
هو الموضوع مرعب حجم الدمار غير متوقع مع الآلة الحربية الحديثة وفكرة الصراع على السلطة والسيناريوهات الغير معلنة ومصالح ناس غير معروفين بيتحكموا في العالم ويوجهوه لمصالحهم بعيدا عن المعلن المشكلة إحنا في واد تاني معارك سطحية لبس المرأة والتعدد وحاجات عف عليها الزمان
إن شاء الله مافى حرب عالميه كل الأطراف بتعلم جيداأن قرار الحرب مستبعد تماما الذى يتم الان او بعد ذلك هو حرب تكسير عظام فقط لكن حرب عالميه واستخدام الاسلحه النوويه شىء مستبعد وان شاء الله خير.
العالم لا يتحمل حرب عالمية جديدة
ولكن الحقيقة أن العالم لن يتحمل فوز بوتين وروسيا والاسوء أنه لن يتحمل خسارتها.
هتكون حرب إستقطاب لكننا بنحاول نستفاد من جميع الأطراف في ظل غلاء المعيشة في العالم كله و طبعا و أكيد هيبقى عندنا ناس عاملين مناحة عشان البامبرز زاد نص جنيه
بالنسبة للحرب طبعا تأثيرها على العالم كله هايكون مؤثر و بشدة تأثير طبعا إقتصادى سوف يؤثر على كثير من شعوب العالم لدرجة إن فى بلاد هايبقى فيها مجاعة بما تعنى الكلمة و طبعا إنتشار أمراض وأوبئة و أيضا سوف تؤثر جغرافيا و بيئيا بمعنى سوف تتغير جغرافيا العالم سياسيا و طبوغرافيا
أما بالنسبة لمصر فى بداية الحرب سوف يظهر الاشخاص الذين يشبهون زبد البحر طبعا سرقات و إستغلال للموقف إذا كانوا سياسيين او اقتصاديين بخلاف بتوع السبوبة فى كل شيئ و بعدها سوف يلفظهم المجتمع و يثور عليهم و سوف يتم بعض التكاتف مع الدولة
انا بالنسبة سياسة الحكومة بالنسبة للحرب سوف تحاول ان تكون على الحياد و بالنسبة للحالة الأقتصاديه بالطبع سوف تتأثر كثير لكن سرعان ما سوف تنموا سريعا بعد الحرب و سوف يكون النمو من أسرع النمو الاقتصادي في المنطقة و العالم.
المصريون دايما بيبان معدنهم وقت الازمات و رغم كل الاخبار السلبية الا انه ساعة الجد سيتكاتف الشعب و يتحول لمساندة بلده…مع ثقتنا ف ربنا اولا و ف جيشنا انه مع ريسنا سيتخذوا ما يكفل من اجراءات و تدابير للعبور من هذه الازمة التي اذا حدثت ستعصف بالعالم لعدة سنوات تزيد او تقل لكنها ستكون موجعة و مؤلمة للجميع و تتطلب التحمل و المساندة….
لازم خطة.
حرب عالمية ثالثه بالتأكيد ستستخدم فيها الاسلحه النووية التكتيكيه .. وهو ما يعني احتراق اوروبا وهروب المهاجرين منها الي الجنوب .. ستحدث ازمة غذاء حادة وانهيار اقتصادي قد يؤدي لفوضي ومجاعات وانهيار دول وانظمة
مصر ليست بعيدة عن كل ذلك.
أولا حرب عالمية ثالثه هي حرب شاملة جميع الأسلحة وحرب فاصلة بين الدول يعني حرب وجودية لا محاله يعني كوارث ومجاعات ونفوق وشتات للبشريه بين جميع الدول التي أشعلت فتيل الحرب …اما بالنسبه لوضع مصر …مصر ع خريطة العالم هي رمانة الميزان وسيد إفريقيا والدول العربية لما تمتلكه من مكان استراتيجي بحت وما تملكه من موارد بشرية مختلفة تمامٱ عن أي موارد بشريه في العالم وبها العديد من الثروات وتمتلك مفتاح بوابه العبور بين جميع الدول المتمثل في البحر المتوسط وقناة السويس والبحر الأحمر وتفصل قارات عن بعض مثل اسيا وافريقيا وهمزة الوصل بين الشرق والغرب والشمال والجنوب…فإذا تم استغلال هذه الموارد والثروات الاستغلال الأمثل سوف تواجه الإدارة الحاليه الازمات والنتائج المترتبه علي الحرب العالميه الثالثه حتي وإن كانت طرف من أطراف النزاع في الحرب فكل هذة الموارد تجعل منها دولة قوية شعبٱ وجيشٱ.
كلمة السر ستكون في الغذاء.
عن نفسي انا ناشرة الغسيل الابيض بتاع الراجل ع الحبل.. لما ادخل المه قبل اي حاجه.. ليرجع يتوسخ بااي شاظية كده ولا كده.
حيهربوا لمصر.
الحرب هتأثر بالسلب علي العالم كله واستيرادنا لقطع غيار الآلات والمعدات سيتأثر كثيرا وتتعطل صناعات ويزيد التضخم اضعاف الحالي وتخف حركة السيارات حيث لايوجد قطع غيار أو كاوتش مثل الحال اليوم لكن بصورة أكبر ..
لكن في كل الأحوال ستكون مصر افضل حالا من الدول المواجهة مباشرة للحرب.
مصر مش هتنصرع ف الحرب
وتفضل السياسة المفاوضات ما بين الجبهتين
والمواد الاستهلاكية ع مستوي العالم هتصبح عملة نادرة
ويا بخت اللي عامل حسابه وعنده مخزون استراتيجي وإنتاج محلي.
هنقعد علي الفيس بوك ونقول منه له والالش هيشتغل ولا أكن فيه ازمه عالميه ولا حاجه.
ادخلوا مصر إن شاء الله آمنيييين …. ستظل مصر الملاذ الآمن للكل بإذن الله.
الوضع العالمي هيكون اصعب مما هو عليه ، وبعد الركود الاقتصاد العالمي، العالم لن يتحمل فوز روسيا والاسوء بأن روسيا لن تتحمل الخسارة ، والعالم لا يتحمل حرب عالمية ثالثة
بالنسبة لمصر هتلتزم الحيادية في الاول من ثم التدخل الدبلوماسي ولكن عند الامساس بامنها القومي ستكون في قوة لان يتخيلها احد.
ده لو قامت حرب عالميه تالته و العالم كله باظ الشعب الواعي العظيم بتاعنا هيقول برضه خربتها ياسيسي ههههههه.
بنسلم امرنا لله وليفعل الله ما يشاء.
ستكون قبلة الأوربيين.
هنعمل حلقات ذكر.
حنطلع نكت جديدة ع اللي بيحصل ونسمع أم كلثوم وعدوية وعمرو دياب وحمو بيكا ونقزقز لب.
الشعب المصري أصيل وبيكيف نفسه مع أي ظروف ..
خصوصاً الظروف الصعبة تلاقيهم رجالة وستات وشباب وأطفال شخص واحد ، روح واحدة ، قلب واحد ..
يعمل المستحيل وبلده تعيش كريمة أبية ..
وتاريخ 7000 سنة يشهد ..
ونهر النيل يشهد والأهرامات تشهد والرمال المخضبة بدماء الشهداء تنطق …
عادل السمري
مفيش حرب عالمية تالتة هتقوم… والمناوشات دي هتختفي بشويات موائمات ومصر هتستمر في مسيرة التنمية إن شاء الله وهيبقى وضعها أفضل بكتير.
الأغنياء في مناطق الصراع سيهربون للمناطق الآمنة و ستقوم الشعوب بعمل مظاهرات و قد تتطور لثورات حتى في الدول الكبرى و بالطبع مصر ستتأثر لفترة ولكن ليست طويله ثم ستبدأ محاولات التصنيع المحلي حتى نصل للاكتفاء الذاتي لأغلب الصناعات
احنا بعون الله
هيكون همنا وكل تركيزنا نستقبل اللاجئات إزاي
شوف حضرتك العالم كله هيرزع في بعضه
واحنا هنطلع عليهم نكت ونعمل كوميكس.
هنستنى موسم المانجه.
قارب النجاه هو الاكتفاء الذاتي بما هو كل اساسي وبالحد الذي يككفينا دون اسراف والبذخ يعاقب عليه ويردع حتي وان ملكت المال الكثير وقوانين حكم دكتاتوري بحت وربنا يستر
1 – مصر هتكون علي مسافة واحدة بين الجميع أياً كان اسم الدولة او ميولها ايه وستقوم بدورها الذي اتخذته القيادة المصرية في السنوات الاخيرة بخطابات تحث علي تهدئة الاوضاع والعودة الي مائدة المباحاثات والمفاوضات الجادة لانهاء الصراعات القائمة .
2 – قيام القادة والمسؤولين ممثلةً في رئيس الجمهورية ورئاسة مجلس الوزراء ورئاسة مجلسي النواب والشوري بالاجتماع لبحث سبل التشاور لابعاد اي خطر عن ارض الوطن والحث علي توفير كافة سبل العيش والاعتماد علي الانتاجية الصناعية والغذائية وتوجيه جميع الاجهزة الرقابية للنزول إلي رقابة العملية الانتاجية والمساعدة علي توفير مناخ جيد للانتاج من داخل الدولة المصرية متمثلة في شعبها الاصيل في وقت الازمات وتعزيز الدور الرقابي علي الاسواق الاستهلاكية بيدُ من حديد لعدم استغلال الازمة باي شكل من الاشكال وقيام الدولة بتحديد احتياجات كل اسرة ومنزل حسب احتياجاتهم الاساسية وعدم السماح لاي مواطن باحتكار او استغلال الموقف نهائياً.
3 – اعلان حالة الطوارئ داخل الدولة المصرية كما كان معمول به من قبل.
4 – تشديد الرقابة والحماية الصارمة للحدود والموانئ المصرية من كل الاتجاهات من قبلّ القوات المسلحة المصرية بكل حزم وقوة.
5 – تحجيم الدور الاعلامي جداً جداً جداً لانه السبب الاول والاوحد للمساعدة بشكل سلبي وهدام للاوطان من خلال الشعوب نفسها وتشديد الرقابة تماماً علي جميع وسائل التواصل الاجتماعي لعدم تداول الشائعات والاخبار المغلوطة والاخبار السلبية وذلك للتفرغ التام للعمل علي الانتاج واستمرار المعيشة بشكل سليم بعيداً عن الصراعات القائمة خارج حدودنا.
واولاً وأخيراً الله هو الحافظ للوطن بامر الله تعالى.
اللي عنده شغل هيشتغل..
واللي عنده دراسة ومذاكرة هيذاكر..
والفاضي هيقعد يتابع اللي بيحصل ببالغ القلق والحزن.
ح نتخانق هل يجوز تهنئه وتعزية غير المسلم وح نفضل نسأل المشايخ علي الهوا اللي بنتنفسه.
اذا كانت الحرب نووية فالجزء الشمالي من العالم هيكون خراب نووي وغير صالح للحياة
وده بفضل التكنولوجيا الحديثة اللي خلت ضرب الأهداف أكثر دقة فالتأثير الأكبر هيكون على دول الصراع المباشر امريكا أوروبا روسيا الصين
أما بالنسبة لمن تبقى في العالم ومنهم مصر
-هيتم فرض الأحكام العرفية نتيجة للفوضى والانفلات الأمني الرهيب اللي هيسببه خوف ورعب الناس.
– اتجاه مجموعات لفرض السيطرة باستخدام أساليب عصور ما قبل الثورة الصناعية
– طبعا الدولة أو ما تبقى منها هتحاول فرض الأمن لكن النتيجة مش مضمونة لأن الموضوع اكبر من قدرة أي دولة لو محصلش تكاتف شعبي وإنساني
– المشكلة الكبرى هتكون المجاعة وموت اغلب البشر بسببها
– وده طبعا غير الإشعاعات النووية وتأثيرها المدمر على من تبقى
– بداية النهاية أو نهاية حضارة تمهيدا لبدء أخرى.
أما إذا كانت حرب تقليدية
فالعالم هيكون في استنزاف للموارد والأرواح لمدة طويلة
– تدمير اوروبا بصورة كبيرة لأنها ارض الصراع المباشر بين الولايات المتحدة وروسيا
– توقف الانترنت في العالم مع بداية الحرب نتيجة للهجمات المتبادلة بين كافة الأطراف وده تأثيره العالمي اكبر من تأثير الحرب نفسها
– أزمة غذائية عالمية ومجاعة هيروح بسببها مئات الملايين من البشر
– الدول المتحاربة هتستهدف مناطق الممرات العالمية وطبعا أهمها قناة السويس لأنها من أهم الممرات في العالم
بالنسبة لمصر
– انفلات أمنى لكن هيتم السيطرة عليه بفرض إجراءات أمنية أكثر حدة وتطبيق صارم
– انعدام فرص العمل وتسريح العمالة والبطالة تصل لنسبة كارثية وده هيزيد الفوضى في الشوارع
– أزمة غذائية محلية لكن احنا كدولة بنعرف نتصرف في الظروف ديه
– هنستقبل لاجئين من دول أوروبا
– زيادة تأثير الجماعات المتطرفة على عقول الشباب وهيخلوا الصراع ديني صرف.
انا من ايام ثورة الخراب وانا ملتزمة بحزب الكنبه وبشتغل وبدرس علشان الحياه بالنسبة لي انا ع الاقل ماتوقفش وبتكيف مع اي ظروف حواليا
احنا ضمن حركة عدم الانحياز. لكن تأثيرنا اقتصادي بحت اللي بنسابق الزمن عشان نكون فيه اخف الأضرار لوحصلت حرب. عشان كده الريس قال احنا متأخرين.
عند الحرث تهجم الأفاعي والهوام
سنقوم بقطع رؤوسها
ويخرجنا الله سالمين بحوله وقوته.
لا أعتقدها قائمة فكل الشعوب ترغب في العيش ، ممكن حرب تقليدية وبحساب مخافة استعمال النووي من الجانب الآخر ، اما مصر فنتمنى استمرار التنمية ومراعاة العدل و رد المظالم ، فالعدل اساس الملك.
احنا هنكون زي شيبوب اخو عنتر لما كان بيدلع حبيبته أنتي تقليعلي عين وأنا اقلعلك عين ونعيش عوران احنا الاتنين…
يتوقف ذلك على نوع الحرب . هل هى حرب بأسلحه تقليديه أم بأسلحه نوويه ام ستبدأ تقليديه وينهيها احدهم باستخدام النووى …
ثانيا . أيا كان نوع الحرب فحتما التأثير السلبى الشديد سيؤثر على كل العالم وستنشب حروبا اقليميه بعيده عن بؤرة الصراع الأصليه وتعم الفوضى كل ارجاء المعموره ومصر ليست ببعيده عن تلك الفوضى فهى ليست فى كوكب المريخ تشاهد الحرب من بعيد . الكل سيتأثر وسيعم الخراب العالم وتحدث مجاعه عالميه والضحايا مليارات وليس ملايين … ولك ان تقارن الوضع الحالى بالنسبه للمعيشه بما ستكون عليه فى حالة حرب عالميه شامله نحن تاثرنا كثيرا بمجرد عمليات عسكريه بأوكرانيا فما بالك بحرب عالميه ثالثه .
فالوضع الراهن لو قامت حرب عالمية ثالثة المصريين مش هيعرفو بالموضوع وهيتريقو ويعملو كوميكس عالحرب وهيقولو مصر تنتظر اللاجئات والصفحات التافهة تنزل شروط الزواج من اجنبيات.
من يملك الرأى الصحيح هو من يملك الرؤيه الشامله والمنظور الكامل لكل التحركات والنوايا الدوليه واظن انها القياده وليس نحن.
نهتم بالزراعه والمزارعين .. وتتوقف عن الخلفه .. ونحكم الأمن ونضرب بيك من حديد لمنع الفوضى .. فلا معارضه فى حالة الحرب … هذا كل ما نحتاجه.
الحرب العالميه الثالثه لو حاتقوم كانت قامت سنة ٢٠١٤ عندما ضمت روسيا جزيرة الكرم مثلما فعلت الان مع الأقاليم الاوكرانية الاربعه وكان الرد شوية عقوبات وتنديدات اما مصر نعم لو حدث اكيد حتتاثر نسبيا ولكنها باءز الله لن تقع مثل بلاد كثيره ستقع وذلك بفضل السياسات المسبقه الواعيه للقياده السياسيه.
هيكونوا بيطحنوا فى بعض
واحنا هنرجع سله العالم الغذائية تانى
ومصدر الامان للاجئين.
هيام استدعاء قوات الاحتياط
منع استيراد أي سلعة ترفيهية
تفعيل قانون الطواريء بصرامة
ربما يتم تأميم بعض شركات المنتجات الأساسية
اعتقد الخطوات هتبقى اقتصادية وامنية
صدقني نتكلم على غلاء الاسعار…..
المشكلة مش في مصر …المشكلة في شعبها ..وفي الوافدين عليها
مصر هتبقى من اهم مصادر الغذاء والطاقة ومن اقطاب العالم الجدبد وسد النهضة هيقع فى ظروف غامضة والحرب شغالة.
الحمد لله والشكر لله.
أولا العالم كله سيحدث به تغيرات جذرية
ولكن لا تنسوا أننا في مصر المحروسة من الله عز وجل سنكون بأمان بأمر الله تعالي . وغالبا لم تحدث حرب شاملة نوويه . لأن في العموم الغرب والأجانب عموما يخافون الموت . لم يحدث . وان حدث سيكون تكتيكي خفيف ….. تحياتي.
صعب نبقي بمعزل لكن اكيد حنبدو امام العالم علي الحياد لكن الواقع حيبقي غير كده.
اسأل الله الا تقوم اي حروب فيكفي ما نحن فيه من منازعات دوليه واقليمية فخوفي على بلدي يزداد مع كل تصريح فنحن في قت حرج واقتصاد اضعف.
الناس مش بتعرف بيحصل ايه اصلا بره مصر
وهيكونوا بيشتكواا ومحملين السيسي خناقة اخر الشارع او بلطجة فلان.
ده اللي الريس شغال عليه. إن مصر تكون صندوق الغلال للعالم.
تفعيل حالة الطوارئ وحظر التجوال لفترات معينة…التعليم هيستمر والشغل هيستمر….بس هنتورط في الحرب على الحدود مع ليبيا وهنبعت قوات لتأمين مكة والمدينة “ده هيحصل “… إسكندرية هتكون على موعد في الحرب دي… الإعلام هيبقى إعلام حرب…. إشراف الجيش على المخابز ومنافذ البيع بشكل صارم.
هنعمل ايه يا فندم هو هيبقى فيه حاجةوالا مجال سليم ، ده نووى اذا ما اهلكش كل حاجة امتد اثره.
كالعادة يا باشا..جيشنا البطل حا يخبينا فى الملاجىء ويحمينا ويأكلنا ويعالجنا.. مش جديدة عليه.. هكذا حاله معنا منذ وعينا على الدنيا.. ربنا يبارك فى خير أجناد الأرض ويحفظهم من كل شر واكيد هو عامل حسابه لليوم ده.
الحرب هتٱثر علي العالم كله لكن أنا متأكد أن مصر لن تنحاز لاي طرف وده هيخللي موقفها احسن بعد الحرب ايا كان المنتصر.
اعتقد هيكون فى قرارات اقتصاديه تخص داخل البلاد وخارجها وقرارات عسكريه داخليه صارمه تفعيل قانون الطوارئ ومحاكمات عسكريه سريعه اصدار قوانين تناسب هذه الفتره هنتأثر اكيد بالوضع الاقتصادي للحياه اليوميه وايضا معظم الشركات القائمه على التصدير هيكون فى لاجئين حركة السياحه هتتأثر جدا جدا جدا والتعليم والرياضه الوضع هيكون على غير ما يرام فى مصر وبعض الدول هتوفر العماله وهتنهي عقودها وتردها لمصر حركة الاستراد للسلع الضروريه غذائيه وعلاجيه وقطع غيار الخ هتتأثر جدآ حد التوقف وأصحاب المحال لبيع السلع والمطاعم والكافيهات والعماله اليوميه من بائعين جواله وعمال البناء والمحاره والنقاش الخ
الحرب دمار على كل الدول والشعوب سواء قريبه او بعيده عن مناطق الحرب
لكن اللى قدر أجزم به أن الرئيس هيكون عامل خطه بديله فى حال حدوث حرب فحوها مجابهة هذه الحرب فى كل ما سبق تم ذكره.
مصر هتقف علي الحياد من الجميع
مصر تتأثر اقتصاديا وعسكريا نظرا لبعض الاتفاقات الموقعه سالفا مع بعض الدول
ارتفاع معادلات التضخم داخل مصر
ارتفاع مبالغ فيه في الأسعار كل المنتجات
مع وجود ندرة في تواجد بعضها نظرا لتوقف الاستيراد
ارتفاع الدين الخارجي
انخفاض في الاحتياطي النقدي الأجنبي
محاولات دول كثيرة دفع مصر وجرها لدخول الحرب ليس عسكريا ولكن بطرق اخري
تأثر الملاحه بقناه السويس
تاثر السياحه
هجرة بعض من مواطني بعض الدول لمصر
مما يشكل عبئا اقتصاديا علي مصر
مصر تطلب من الامم المتحده المساعده
في ازمه للاجئين وتطلب دعما من بعض الدول.
ساعتها لازم فرض احكام عرفية وحزم عشان نعرف نعدى الأزمة دى لا قدر الله لو حصل.
اعتقد هنتعب جدا ولازم التكاتف من الجميع كلٌ يتحمل مسئوليته في موقعه وهتبقي في تدابير تانية متخذة من القوات المسلحة لتأمين مناطق النزاع وخصوصا في الاتجاهات الاستراتيجية للدولة المصرية… داخليا لازم الجميع يتحمل المسئولية ويتم ترشيد الاستهلاك اكتر من الاول ويكون المواطن المصري مشترك في صنع القرار وهيبقي العبء الاكبر لوزارة الداخلية والتجارة والتموين واللي لازم تشيله وهيه اهل لذلك… لكن الامور هتبقي صعبة وهتكون ايام عجاف وجب فيها التعاون او زي ما بنقول لازم نكون في رباااط الي ان يقضي الله امراً كان مفعولا… بس الاكيد ان شاء الله هنعدي الازمة.. وحاليا لا نملك الا الدعاء لصانع القرار ومتخذه ويكونوا البطانة الصالحة لمتخذ القرار… وربنا يسلم مصر من كل شر… ومحفوظة يا بلادي بإذن رب العالمين تحيا_مصر وعاشت قواتنا المسلحة الباسلة.
مش عايزة ازعلك
بس هنكون بنتخانق على المذيعة دي قالت ايه والفنانة دي لابسة ايه وعن ايه جدوي الكباري والعاصمة الادارية
ده فترة في الاول بعدها نفوق على كارثة اقتصادية هتوصل من غير ما يكون الشعب مهيأ ل ده علشان عندنا اعلام مخدر
اما هما فبالفعل بدأوا يعملوا كل حاجة والناس فهمت خطورة الموقف عليهم وعلي العالم كله.
عموماً السيسي حدد الاصطفاف المصري وحلفاءها حيكون مع فكرة عالم متعدد الأقطاب لكن لن تكون مصر مع أى طرف يسعى لتحقيق ذلك الهدف بالوسائل العسكرية يعنى مع روسيا والصين والهند بالطرق الدبلوماسية وبالنسبة للشأن الداخلى مع الشعب المتدين بطبعة لن يتنازل عن النوتيلا وسمك البكالاة مهما كانت الظروف.
بالنسبة للمعيشة المصريين بينهم تكافل اجتماعي
خفي.. كل واحد عارف مين المحتاج وبيساعدله تلاتة أربعة بالوجود. مافيش حد في بلدنا بينام جعان.
انا عندي إحساس وإيمان داخلي بالأمان داخل مصر
مهما حصل في العالم ولايمكن نموت من الجوع والتشرد مثل الآخرين.
الموضوع يتقسم إلي ثلاث أجزاء … الريس والحكومة.. ودول عارفين هايعملوا وبيعملوا إيه… العاشقين لمصرنا الغاليه.. اكيد هايبقوا أيضا عارفين إيه الاتجاه الصحيح وهيبقوا معاه…. انا بقي… الباقي… ودول يا اما خرفان أو الكولجيه وأعوانهم واشباهم… فا كلنا عارفين عارفين هايقولوا اية…. … دا باختصار شديد جدا.
الشعب المصري سوف يسجل بطولات في الصمود والتضحيه وحب الوطن علي مر التاريخ والتاريخ سجل اسطوره حرب اكتوبر وثورة 30يوليه وحشد للشعب المصري بالملايين ليسجل اكبر حشد في التاريخ تحيا مصر بشعبها وجيشها العظيم ورئيسها الذي انقذ مصرمن اعدائها.
كما كنا في الحربيين العالميتين الأولى والثانية لن يكون هناك تغيير شامل كامل.
عادى يعنى كل اللى هيحصل إن الصحافه الجميله بتاعتنا هتكتب نظراً لحالة القلق الخارجيه ارتفاع اسعار طبق البيض فى مصر.
الواحد بعد كل اعجاز وإنجاز بتعملوا الدولة في الازمات اللي عدت
أتوقع ان مصر هتكون سلة غذاء وأمان للعالم
وفي نفس الوقت الشعب المصري هتكون متوفرة عندة كافة المستلزمات مع إرتفاع ملحوظ في الأسعار وده شيء طبيعي.
الإكتفاء الذاتي من أساسيات العيش ودا اللي الدوله بتحاول تعمله بقيادة رئيسنا العظيم ويجب أن يتعاون الشعب مع الدوله بتكثيف الجهد والعمل وتقليل الإستهلاك.
مصر اقتصادها وبالتالى مجتمعها قائم على السلام الدولى ( السياحة وقناة السويس والعقارات وثروات الطاقة )
لكن ايضا نحن اصحاب النفس الطويل حتى اذا ما اعتدى علينا مباشرة هنرد مباشرة
ولدينا وسائل مختلفة فى الرد والتصعيد
دون الانجرار
اذن مصر بقدر الامكان هتفضل على الحياد
وعلى الاقل هيتم ابعاد المعركة عن ارضنا.
اعتقد ان سيكون هناك قرارات داخلية
قوية للحفاظ علي مخزون البلد من الاهدار
وستكون الرقابة شديدة داخل وعلي مخارج
البلد كلها استعدادت قصوي للجيش والشرطة
ومركز العمليات ليل ونهار لتامين البلد والشعب
واظن ان الكثير من الخارج سليجاء لمصر
وممكن السياح يمكسوا في مصر كثيرا
مصر لا ترد احد واتمني كله يروح بلدة
وكفاية علينا كدة عايزين نكفي نفسنا
ربنا يسترها علينا وعلي العالم يارب
اتمني ان يكون هناك حس وطني عند كل
الشعب بالمسئولية في هذة الاوقات حتي
تعدي المحنة بسلام يارب.
نكون كلنا يد واحدة منتجة نكمل بعض ونتكاتف ونتعاون سويا في كل شئ…
ان شاء الله الحرب العالميه الثالثه
حتكون حرب اقتصاديه مش حرب الاسلحه
لان لو حرب اسلحه
مش حيبقي ف معيشه من أصله
لان من يملك حيمحى من لايملك
وبالنسبه لمصر اعتقد انها عامله حسابها اقتصاديا
انما اسلحه بيولوجيه …اممممم!!!!
بس مش عايزه اجازف واتعشم اوى
لان ف الاخر اكيد حنتأثر
لاننا ف العالم زينا زى كل الدول
بس الاهم التأثر دا
نسبته اد ايه؟؟
هو دا المهم!!
المعيشه هتكون اصعب…
الشعب و الاعلام المغيب هيناقش الامور و كأن الحرب لا تمت لنا بصله…
تذمر اكتر لان رغيف العيش اصبح ب10 قروش بدلا من 5…
العالم هيكون على وشك الفناء و فى نفس اللحظه احنا عندنا اسرتين بيجوزوا ولادهم و مختلفين على القايمه.
والله صعب الاجابة وطويلة بس هحاول
في ناس مش هيكون في دماغها الهوا وبيخلفوا عادي والعيل بيجي برزقه عادي
وناس مش هتتحمل لو في متاعب اقتصادية وهتمسك في رقبة الحكومة
وناس هتستغل سذاجة الناس اللي فاتوا دول وهتحاول تسخنهم علشان يعملوا ثورة ويحاولوا يخربوا البلد
وناس هتكون واعية للاحداث وللمؤامرة وهتحاول على اد ما تقدر انها تساعد سواء اقتصادية بالتبرع وغيره والرد على الشائعات والقضاء على الفتنة
وهتكرس نفسها وكل اللي زيها لخدمة بلدها بكل الاشكال
واتعشم كلنا نكون من اخر مجموعة
وفي كل الاحوال انا قلبي مطمن على بلدي لانها بين ايدين الله والقيادة الحكيمة وجيشها المخلص وشرطتها ومؤسساتها والمخلصين من شعبها اللي ان شاء الله هيخافوا ويحافظوا عليها ويعدوا بيها لبر الامان زي ما حصل قبل كدة
تحيا مصر دائما وابدا بأمر الله.
ادخلوا مصر ان شاء الله امنين ربنا ان شاء الله حارسها وراعيها والحمد لله ربنا انعم على مصر برءيس ربنا منور بصيرته وجيش عظيم ربنا يسير الامور ان شاء الله.
هايحصل هجره عكسيه لمصر
وبالنسبه للمعيشه احنا محتاجين اكتفاء ذاتي من المنتجات الغذائية والصناعيه الأساسية وهانبقي في الأمان
ياريت تحصل حرب عالمية ثالثة بين القوي العظمي علشان دول العالم اللي بيقولوا عليها دول العالم الأول وهيا اكثر دول هادمة للإنسانية هتنهار
ويعاد ترتيب القوي من جديد.
هنشوف غباء وتضليل من الاعلام والصحافة اكتر من اللى شايفينه حالياً.
هي مبقاش فيها لو خلاص … الحرب العالمية الثالثة قامت فعليا خلاص واللي بتعيشه ولسة جاي مجرد مراحل المعارك …. وحنفضل كده بينالشد والجذب والصعود والتراجع لغاية اخر الشتا … للاسف احنا فبلادنا مش في احسن حال وكتير جدا مغيبين واكتر منهم اخدتهم نداهة العولمة الامريكية زي شوية الشباب الروس اللي بيتظاهروا وبيهربوا من التجنيد دلوقتي …. للاسف المتربصين والمغرضين واصحاب المصالح كتير جدا واحنا في اغلبنا فاقدين الوعي …. كلامي ده مش احباط او يأس لا ابدا … كلامي مجرد ادراك حقيقي لمدي الشرخ الثقافي والحضاري في الوعي الجمعي لاهالينا … ثقتي في ربنا كبيرة جدا ان الشوية اللي لسه واعيين حينقذوا البلد دي ويوصلوها لبر الامان ان شاءالله …. ويارب تحالف الانجلوساكسون ينكسر فالحرب دي لان غير كده حتبقا سواد عالكوكب كله.
العالم كله بختلاف الظروف ما بين من يبحث عن مكان آمن.ودول تتناحر لإثبات قوتها .بالنسبة لنا هننتظر النتائج ونحزن علي الأسعار والناس تترحم علي ايام مبارك.
التاريخ يحدثنا أن مصر كانت ملاذ الأمان لكل شعوب الأرض فى الحرب الاولى والثانية
لابد من وجود وعى عند المصريين مادام فى حرب لازم ولابد من الترشيد ونعرف يعنى ايه حرب عالمية العالم كله هايقف لاطيران ولااستيراد ولاتصدير واحنا برضه فى ظروف الحرب هنقول الكوسه والطماطم غالية ةبرضه اقول لابد من الوعد الوعد بالحرب الحروب مش لعبة.
تشكر بوابة الجمهورية الثانية جميع قرائها المشاركين بآرائهم وتستمر في استطلاع آراء متابعيها الكرام في مختلف القضايا المجتمعية والسياسية.
انتظرونا في الجزء الثاني.
