الرئيس السيسي يشهد الندوة التثقيفية للقوات المسلحة الـ 35 في يوم الشهيد
شهد الرئيس السيسي احتفالية الندوة التثقيفية للقوات المسلحة الـ 35 ليوم الشهيد والذي يوافق ذكرى استشهاد الجنرال الذهبي، الفريق أول/ عبد المنعم رياض، والذي أصبح ذكرى سنوية تحتفل بها مصر كل عام في يوم “يوم الشهيد”.
وشهدت الندوة في الجزء الأول منها الكثير من العروض الفنية ومشاركة المقاتلين والمصابين من أبناء القوات المسلحة المصرية، واستعراض بطولاتهم.
وعرض مسرحية مصغرة تعرض الأسرة المصرية التي تستقبل نبأ استشهاد ابنها، وبعد انتهاءها علق الرئيس السيسي قائلا:
” اسمحولي ان أنا اشكركم لأن انتم عيشتونا في الحقيقة اللي بتعيشها أسر كتير بتقدم ابنها شهيد أو حتى مصاب، العمل الدرامي دايما بيدي فرصة لينا كلنا أنه يسجل وقائع يمكن احنا مش بنعيشها كلنا، لكن بالطريقة دي بتتنقل وتدخل كل بيت”
” وبقولكم يامصريين، الفقرة دي بتورينا قد ايه التمن اللي ادفع عشان احنا كلنا نعيش، فأقل تمن ندفعه إن احنا نحافظ على اللي هما ضحوا من أجله اللي هما زينة شباب مصر من كل حتة”
” الكلام اللي قاله اللي قام بدور الشهيد نور، صدقوني كل ضباط الجيش والشرطة بيقولوه بجد، اللي بيعيش معاهم حقيقي حتى لو صف ظباط أو جنود، بيقولوا الكلام ده لأنهم عايشين حالة محتملة للشهادة، هما عايشين فكرة الشهادة وبيقولوا فعلا مقبل غير مدبر، السلاح في ايدي، اموت وهي تعيش، ولو انتوا روحتوا الوحدات دي هتلاقوا انهم بيقولوا الكلام ده بشكل حقيقي”
” لو الشؤون المعنوية النهاردة في الجيش أو الشرطة جابت القصص الحقيقية لكل شهيد هتلاقوا كنز من الوفاء والإنسانية اللي ممكن يقدم للناس، ويقولهم شوفوا دي بيوت مصرية عادية خالص، متوسطة أو أقل من متوسطة، معندهمش غير نفسهم يقدموه أكتر حاجة يقدموها للبلد”.
