إبراهيم عكاشة يكتب: عملنا فيلم وثائقي عن كليوباترا ونمنا
تاريخ مصر يتعرض الآن لأخطر وأقوى هجمة من الافروسنتريك وللأسف الرد ليس على قدر الحدث.
إحنا عاملين زي اللي اتشتم في الـ cnn وبيرد في cbc سفرة.. اتبهدلت في شارع عمومي وباخد حقي في أوضة جوة شقة جوة بيت جوة حارة.
هل عمل فيلم وثائقي على قناة الوثائقية المصرية هو الرد من وجهة نظر حضراتكم؟
من يشاهدها؟
كم عددهم؟
ما هو مدى تغطيتها؟
نتفليكس تبث للعالم أجمع ومخترقة جميع الدول..
هل كدا احنا بنرد في المكان المناسب؟
هل هذه هو كل ما نستطيع فعله؟
الإجابة بالطبع لا.
لسه معانا كتير نعمله.. بس نقتنع الأول اننا لسه لازم نعمل.
منها مثلاً على سبيل المثال لا الحصر..
الاتفاق مع مخرجي ومنتجي هوليوود على انتاج مشاهد خاصة بنا مفصلة خصيصاً لنا في بعض الأفلام.. أو حتى القيام بانتاج مشترك لفيلم عن الحضارة المصرية.
تكليف جميع ملحقينا الثقافيين في جميع الدول بترتيب لقاءات تليفزيونية في البلاد الموجودين بها لعرض الحقائق.
التواصل مع جميع اليوتيوبرز العالميين والتعاون معهم.. وندفع.
التواصل مع الجاليات المصرية في كبرى الدول التي تأتينا منها الهجمات، لتنظيم فعاليات برعاية السفارة المصرية.
دعوة المشاهير والشخصيات العامة العالمية لزيارة مصر على حسابنا مع تنظيم لقاءات تليفزيونية وتغطية كبيرة بحضور صحافيين دوليين.
نتوسع في المتاحف المتنقلة حول العالم.
نزود جرعة احتفالاتنا الخاصة بتاريخنا زي ما عملنا في نقل المومياويات وطريق الكباش.
نفلتر المرشدين السياحيين اللي هنا اللي هنكتشف ان نصهم اخوان ونص النص اللي فاضل عبارة عن دعاة اسلاميين بيدعو السياح للاسلام.
كدا نبقى بنقول اننا ماشيين باستراتيجية رد..
كدا نبتدي نقول اننا شغالين بمواجهة شاملة لحماية هويتنا المصرية.
إنما تركت كل دا وتقولي هنتج فيلم وثائقي عن كليوباترا على قناتنا الوثائقية علشان نشوفه احنا وشوية أصدقاء من الخليج؟؟!!
يبقى أعتقد اننا بنهزر.
الحقيقة أنا مش معتقد
أنا متأكد
عامة أنا متفائل خير لسبب واحد.. أن الرئيس السيسي بنفسه مهتم بملف الهوية المصرية وبيدعمه. بس بحس انه شغال لوحده.
قناة الوثائقية تبدأ أعمال التحضير لفيلم الملكة كليوباترا
بيان رسمي من وزارة السياحة والآثار بشأن فيلم كليوباترا
غضب في مصر من فيلم نتفليكس بسبب لون بشرة كليوباترا..وحوّاس: كانت شقراء
