ثروت سلامة يكتب: كلنا زائلون إلا مصر

سيبك من السيسي خالص عشان متقولش اني متحيز له

وافتكر ان مصر ليها جيش قوي ومخابرات هي الاقوى عالمياً

في عز مرمطة ما بعد يناير ٢٠١١ وشالوا البلد على اكتافهم

وولادهم اللي ضحوا بدمهم الطاهر بدون اطماع في اي شيء

لا مرتبات ولا حوافز ولا معاشات اللي دايما محسودين عليها

اللي ضحى ضحى برضاه عشانها مش عشان رئيس ولا حد تاني غير بلده ومستقبل ولاده وهويتهم وكرامتهم من بعده

عايز تقارن بلدك بغيرها هتخسر لأن مصر أكبر من انها تقارن بأي دولة على وجه الارض مصر اللي بتأثر ولا تتأثر

مصر اللي بيروح شهيد ييجي ألوف غيره بنفس الهمة والعزم

مصر اللي جيل بيسلم جيل وقيادة تسلم قيادة وهي باقية

كلنا زايلين ومصر باقية لأولادنا عايزين نسلمها دولة تليق بيهم وزي ما بندعي لابطال وجيل ٧٣ هييجي وقت واللي بعدنا يفتكرونا اننا اتحملنا عشان بلدنا تمر بأمان من سواد العالم الفاجر اللي متساق من شوية شياطين قادر ربنا يزلزل الارض بيهم ويريح البشرية منهم ومن بلاويهم وأوبئتهم اللي افسدوا العالم بيها وافنوا بلاد وبشر حتى الجماد نفسه ..

محتاجين ثبات وصبر واتحاد سواء مؤيد او معارض

عشان البلد دي ملك للكل لا هي ملك السيسي ولا اولاد مبارك ولا الاخوان البلد دي بلدنا والهم همنا نتحمل بعض ونعدي ..

ربنا عداها من بلاوي تهد جبال قادر يعديها ولو كان مُحال .